#إقتران بين كوكبي #المشتري و #زحل ببرج #الدلو

اليوم #الأثنين 21-12-2020 الساعة 8:20 مساءً بتوقيت سوريا

رح يحصل #إقتران بين كوكبي #المشتري و #زحل ببرج #الدلو الهوائي وهية #ظاهرة_طبيعية بتحصل كل 20 سنة لما بمر المشتري بجاره زحل بدورتهم المتتابعة حول الشمس لكن هاد الإقتران رح يكون قريب بشكل كبير و رح يكون الكوكبين على مسافة 450 مليون ميل عن بعضهم البعض و رح يكونو واضحين للمشاهدة بالعين المجردة بكل أنحاء العالم وآخر مرة صار هاد الإقتران بهاد القرب كان بشهر تموز بعام 1623 وكان صعب رؤيته لقربه من الشمس وكان الإقتران الأوضح هو يلي صار بشهر آذار 1226 كرمال هيك يعتبر هاد الإقتران يلي رح يحصل اليوم بين المشتري وزحل هو الأقرب من قرون أما الإقتران القريب الجاية رح يحصل 15 آذار 2080 أما بالنسبة لمعنى الإقتران فلكياً فهو بيعني أنو كوكبين أو أكثر تتواجد ببرج واحد وطبعاً كل كوكب ببث طاقته عبر ذبذبات كهرومغناطيسية بتترك أثرها علينا جميعاً بدون إستثناء حسب أبراجنا الفلكية وهاد الإقتران رح ينقلنا لتغير جذري ويأسس لعصر جديد ومختلف تماماً عن يلي كنا عم نعيش فيه ورح ينقلنا من عنصر التراب يلي بيرمز للمال وللمادة وللتطبيق العملي إلى عنصر الهواء المتمثل بالإتصال والمعلومات والروح ورح نبدأ حقبة جديدة تدريجياً من التطور التقني والتكنولوجي ورح يكون سريع جداً وبيشمل كافة العلوم التانية والطب وكون برج الدلو يرمز إلى الإختراعات والتطوير وأهمية الإنسانية والحريات الشخصية والصداقات والدفاع عن حقوق الإنسان فالتركيز رح يكون عليها بالعصر الجاية انشالله